Azad olunmuş ərazilərin yenidən qurulmasında innovativ yanaşmadan istifadə edildiyi bildirilib

Azad edilmiş ərazilərin müharibədən sonrakı yenidənqurmasında vaxt məhdudiyyəti, yəni iş prosesində öyrənmə, təlim şəklində reallaşdırılıb.

Bu barədə Şuşa rayonunda Prezidentin xüsusi nümayəndəsi Aydın Kərimov Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən tədbirdə bildirib.

Onun sözlərinə görə, burada çox faydalı olan odur ki, Prezident İlham Əliyev və hökumət tərəfindən bu prosesə ən yaxşı şəkildə yanaşmaq üçün əvvəldən bəzi elementlər müəyyən edilmişdi: "Birincisi, Prezident Administrasiyasının rəhbərinin başçılıq etdiyi, demək olar ki, hər bir naziri və hökumətdəki komitə və agentliklərin rəhbərlərini əhatə edən Koordinasiya Qərargahı yaradılıb ki, bu da azad edilmiş ərazilərdəki bütün proseslərə nəzarət edən paralel bir hökumət kimi fəaliyyət göstərirdi".

O bildirib ki, bu sadəcə formal bir qərargah və ya koordinasiya orqanı deyildi: "Bu, hələ də əməkdaşlıq edən və işləyən çox canlı bir sıra işçi qruplarıdır: "Biz çox qısa müddətdə milli səviyyədə bu qurumlar arasında və yerli səviyyədə Prezidentin xüsusi nümayəndələri institutları formasında koordinasiyanı qurduq. Gördük ki, bu əməkdaşlıq vacib idi və çox tez təcrübədə tətbiq edildi. Bununla planlaşdırıcılar, memarlar və icraçı qurumlar – istər hökumət, istərsə də tikintiyə cəlb edilmiş özəl şirkətlər arasında çox diqqətli, eyni zamanda çox sürətli əlaqəyə nail olduq".