Azərbaycandan Gürcüstana ixracda təxminən 2% artım

Bu ilin yanvar-fevral aylarında Azərbaycan və Gürcüstan arasında ticarət dövriyyəsinin dəyəri 214,349 milyon ABŞ dolları təşkil edib.

"The Daily Baku" bu barədə Gürcüstanın Milli Statistika İdarəsinə istinadən xəbər verir.

Məlumata görə, bu, 2025-ci ilin eyni dövrü ilə müqayisədə 0,3 % azdır.

Gürcüstanın ümumi xarici ticarət dövriyyəsində Azərbaycanın payı 6,1 % təşkil edib.

Hesabat dövründə Gürcüstanın Azərbaycana ixrac etdiyi məhsulların dəyəri bir il əvvələ nisbətən 2,7 % azalaraq 95,078 milyon ABŞ dolları (ümumi ixracın 9,3 %-i), Gürcüstanın Azərbaycandan idxal etdiyi məhsulların dəyəri isə 1,7 % artaraq 119,271 milyon ABŞ dolları (ümumi idxalın 4,8 %-i) olub.

Son bir ildə Gürcüstanın ümumi xarici ticarət dövriyyəsinin dəyəri 6,9 % azalaraq 3 milyard 512,43 milyon ABŞ dollarına düşüb. O cümlədən, ixracın dəyəri 22,9 % artaraq 1 milyard 026,729 milyon ABŞ dolları, idxalın dəyəri isə 15,4 % azalaraq 2 milyard 485,701 milyon ABŞ dolları olub