KİV: ABŞ İrana qarşı uzunmüddətli əməliyyat planı hazırlayır

Prezident Donald Trampın hücum əmri verəcəyi təqdirdə, ABŞ ordusu İrana qarşı həftələrlə davam edə biləcək əməliyyatlara hazırlaşır.

"The Daily Baku" xəbər verir ki, bu barədə iki ABŞ rəsmisi “Reuters“ə bildirib.

Qeyd edilib ki, ABŞ ordusu İrana qarşı mümkün həftəlik əməliyyatlara hazırlaşır.

Rəsmilər bildirirlər ki, hücum əmri verilərsə, ABŞ ordusu İranın nüvə obyektlərinə məhdud hücumdan kənara çıxara bilər. Belə ki, ABŞ ordusu dövlət və təhlükəsizlik hədəflərinə davamlı hücumları nəzərdə tutan planlar hazırlayıb.

Rəsmilər "İranın qisas alacağını və bunun daha geniş, uzun müddətli regional münaqişə riskini artıracağını" gözləyirlər.

Qeyd edək ki, ABŞ rəsmiləri ötən gün Pentaqonun Yaxın Şərqə əlavə bir təyyarədaşıyan gəmi göndərdiyini bildirib.

Donald Tramp isə İranda hakimiyyət dəyişikliyinin ən yaxşı nəticə olacağını qeyd edib.