Nqa Kor Minq mənzil problemini qlobal təhlükə adlandırıb

BMT-nin Məskunlaşma Proqramının (UN-Habitat) hesablamalarına görə, dünyada 2,8 milyard insan qlobal mənzil böhranı ilə üzləşib, onlar qeyri-rəsmi yaşayış yerlərində məskunlaşıblar.

''The Daily Baku'' xəbər verir ki, bunu UN-Habitat Assambleyasının fəaliyyətdə olan prezidenti Nqa Kor Minq Bakıda Ümumdünya Şəhərsalma Forumunun 13-cü sessiyasının (WUF13) açılış mərasimində çıxışı zamanı deyib.

O, tədbir iştirakçılarına çağırış edərək bu istiqamətdə səyləri artırmağa çağırıb:

"Bizim bu məsələdə ümumi məqsədimiz bir olmalıdır. Çünki bu mübarizədə tək deyilik, gəlin, öz səylərimizi iki dəfə artıraq, yeni şəhərsalma gündəliyi istiqamətində ardıcıl və dayanıqlı işlər görək".

Nqa Kor Minq Malayziyanın da bu sahədə təcrübəyə malik olduğunu da bildirib:

"Malayziyanın getdiyi yol yeni şəhərsalma gündəliyinə uyğun gəlir. Biz 1,1 milyon (77 %) əlçatan evlərin yaradılmasına nail olmuşuq. Eləcə də 115 milyon ağac əkərək yaşıllıq hədəflərimizə çatmışıq"