Zelenski: Ukraynada prezident seçkiləri referendumla eyni vaxtda keçirilə bilər

Ukraynada seçkilər sülh planının bəndlərindən biridir və onlar “mümkün qədər tez” keçirilməlidir.

"The Daily Baku" "RBC-Ukraine"ə istinadən xəbər verir ki, bu barədə Ukrayna Prezidenti Volodimir Zelenski bildirib.

O, həmçinin istisna etməyib ki, hərbi vəziyyət saziş imzalandıqdan sonra bir neçə ay davam edə bilər. Bu halda prezident seçkiləri təhlükəsizlik şəraitində, parlament və yerli seçkilər isə hərbi vəziyyət ləğv edildikdən sonra keçiriləcək.

Bundan başqa, Zelenski seçkilərin referendumla eyni vaxtda keçirilməsi ehtimalını da istisna etmir.