Bu gün İsfahan əyalətinin Dorçe bölgəsindəki meyvə-tərəvəz bazarı üzərində "AH-1J Super Cobra" təlim helikopterinin qəzaya uğraması nəticəsində ölənlərin sayı artıb.
"The Daily Baku" "Azad İran"a istinadən xəbər verir ki, ölənlərin sayı dördə çatıb. Onlardan ikisi pilot - Hamed Sərvazad və Müctəba Kiani, digər ikisi isə bazarda işləyən mülki şəxslərdir.
Hadisə yerinə dərhal xilasetmə qüvvələri cəlb olunub. Onlar ərazidə yanğını nəzarətdə saxlayaraq, qəzadan sonra yaranan təhlükəni aradan qaldırıblar.
Helikopterin qəza səbəbləri hələlik açıqlanmayıb, araşdırmalar davam edir.
© 2026 The Daily Baku. Bütün hüquqlar qorunur.
https://dailybaku.az/az/article/iranda-bas-veren-helikopter-qezasinda-itkiler-var